На Фејсбук страницата на Folly Wildlife Rescue е објавена фотографија од Џони Деп, кој ги посетил животните во засолништето со гитаристот Џеф Бек.
На фотографијата Деп во рацете држи напуштен јазовец.
„Погодете кој нѐ посети. Не, не замислувате, тоа е навистина Џони Деп. Како што веројатно знаете, Џони Деп е со Џеф Бек на турнеја низ Велика Британија, а за време на неодамнешната пауза, сопругата на Џеф, Сандра, го донесе да нѐ посети и да се увери самиот во работата што ја правиме со дивиот свет “, се вели во воведната изјава.
„Какво неверојатно попладне за нашиот персонал и волонтерите. Џони ги обиколи одделенијата за нега во болницата. Тој ни даде комплименти и, како што самиот рече, беше воодушевен од она што го виде. Покрај посетата, му дозволивме накратко да го држи Фреди, еден од младенчињата јазовец“, пишува во соопштението.
Фотографијата воодушеви илјадници следбеници на ова засолниште, а под неа стојат сто коментари кои ги фалат Деп и Бек.
„Одличен, прекрасен гест“, „Тој е неверојатен“, „Тој ги покажа своите вистински бои. Толку е емпатичен“, „Затоа го сакам Деп. Се грижи за животните“, се само дел од коментарите.
За потсетување, тој не беше на читањето на пресудата поради деловни обврски во Велика Британија. Пресудата беше донесена во средата попладне во судница во Ферфакс, Вирџинија. Поротата заклучи дека Херд мора да му плати на Деп отштета од 15 милиони долари за клевета.
Тој ја прослави победата во паб во Њукасл со музичарите Џеф Бек и Сем Фендер. Посетителите на пабот го снимиле Деп како ужива во пиво во друштво на пријатели и со насмевка на лицето.
