За една година целосна реконструкција на патниот правец од Фариш кон Прилеп

22.05.2020
vesnik-fb-blue
vesnik-twitter-blue
За една година целосна реконструкција на патниот правец од Фариш кон Прилеп

Mинистерот за транспорт и врски Горан Сугарески и директорот на ЈП за државни патишта Зоран Китанов денеска извршија увид во градежните работи за рехабилитација на регионалниот пат Раец-Фариш.

Станува збор за инвестицијата е со вредност од 1,5 милиони евра.

Според министерот за транспорт и врски Горан Сугарески градежните работи се одвиваат со засилено темпо и се очекува рехабилитацијата на патот и мостовите на патниот правец Фариш-Дреново да биде завршена во текот на следниот месец.

„Оваа делница е од големо значење за Прилеп, Битола, Ресен и за целиот централен дел на земјата“, изјави Сугарески.

Директорот на ЈП за државни патишта Зоран Китанов истакна дека за околу една година целосно ќе биде рехабилитиран и реконструиран патниот правец од Фариш кон Прилеп.

„Секаде каде што се две ленти, ќе има изградба на трета лента. Тендерот за реконструкција на патниот правец Фариш-Прилеп е завршен и наскоро ќе отпоче да се работи. За рок од една година целосно ќе биде рехабилитиран и реконструиран патот од тука до Прилеп и по целата должина ќе биде со три ленти. Во тек е изградбата на експресниот пат Градско-Дреново, за десетина дена го објавуваме новиот тендер за доизградба на експресниот пат од Фариш до Дреново и веднаш потоа ќе започнат градежните работи“, изјави директорот Китанов.

 

извор: Makfax

© vesnik.com, правата за текстот се на редакцијата