Граѓаните да поднесат претставка ако сметките за струја не ја прикажуваат реалната потрошувачка

22.05.2020
vesnik-fb-blue
vesnik-twitter-blue
Граѓаните да поднесат претставка ако сметките за струја не ја прикажуваат реалната потрошувачка

Регулаторната комисија за енергетика и водни услуги ги информира граѓаните чии сметки за електрична енергија не соодветствуваат со реалната потрошувачка, и истите не се корегирани од ЕВН, дека можат да поднесат претставка до ова тело кое има надлежност да постапува во вакви случаи.

„Граѓаните можат самостојно да извршат отчитување на броилото на електрична енергија и состојбата да ја пријават соодветно преку интернет платформата на ЕВН. Доколку добиената сметката отстапува од реалната состојба што ја прикажува броилото, компанијата е должна да изврши корекција на месечната сметка за потрошена електрична енергија. Во случај да не бидат корегирани податоците и сметката отстапува од реалната потрошувачката на електрична енергија во висока и ниска тарифа, потрошувачите можат да се обратат до Регулаторната комисија за енергетика и водни услуги која ќе посредува со цел да добијат сметка во која ќе биде фактурирана потрошената електрична енергија“, изјави Марко Бислимоски, претседател на Регулаторната комисија.

извор: Makfax

© vesnik.com, правата за текстот се на редакцијата