Институтот за економија и финансии Еинауди во Рим предвидува дека ширењето на инфекцијата со коронавирусот во Италија ќе заврши до 5 мај.
Откако почна епидемијата, а потоа и пандемијата со Ковид 19, се навикнавме да слушаме и гледаме само лоши вести, особено од Италија, која е најпогодената европска земја, но тоа нема да биде уште долго така. Крајот на коронавирусот се ближи, предвидуваат експертите, односно 5 мај е отприлика датумот кога во Италија ќе престане да се шири инфекцијата.
Епидемиолошкото сценарио на Институтот се заснова на алгоритам кој ги зема предвид сите значајни параметри на пандемијата, вклучувајќи го и бројот на новороденчињата, хоспитализацијата, закрепнувањето на пациентите и стапката на смртност.
Научниците очекуваат акутната пандемиска фаза да заврши до средината на април.
Во регионот Трентино, Јужен Тирол, се очекува вонредната состојба да се укине на 6 април, а ден подоцна и во регионите Базиликата, Лигурија и Умбрија.
Во регионот Лацио новите заболовуња ќе престанат до 16 април, според нивниот извештај.
Во регионите Венето и Пиемонт, каде што се некои од првите случаи на епидемијата, запирањето на ширењето на коронавирусот ќе биде објавено на 14 и 15 април, во Ломбардија на 22 април, во регионот Емилија-Ромања на 28 април, додека Тоскана ќе биде последниот регион кој во мај веќе ќе нема нови заразени.
Заменик-министерот за здравство на Италија, Пјерпаоло Силери, кој е меѓу првите од Италија заразен со новиот коронавирус, вчера изјави дека пикот го очекуваат за седум до десет дена.
Во последните 24 часа во Италија починаа 812 лица, а нови заболени има 1.648.
