Жена намерно кашлала врз храна во продавница во САД, фрлени производи вредни 35.000 долари

26.03.2020
vesnik-fb-blue
vesnik-twitter-blue
Жена намерно кашлала врз храна во продавница во САД, фрлени производи вредни 35.000 долари

Жена од Пенсилванија во маркет намерно кашлала врз храна во вредност од 35.000 долари поради што веројатно ќе се соочи со кривична пријава, јави Си-ен-ен.

Жената, чиј идентитет властите не го откриваат, влегла во мала продавница во градот Хановер Тауншип и почна да кашла врз пекарски производи, месо и други производи, напиша на „Фејсбук“, Џо Фасула, ко-сопственик на овој синџир на маркети.

Вработените во продавницата веднаш ја исфрлиле жената и ја повикале полицијата која неколку часа подоцна ја пронашла престапничката и ја одвела во притвор.

Полицијата соопшти дека жената намерно сакала да ја зарази храната и дека има намера да поднесе кривична пријава против неа откако ќе се изврши психијатриска проценка.

Властите не знаат дали станува збор за заразена со коронавирус, но Фасула на „Фејсбук“ дека компанијата ќе стори сé што е во нивна моќ за да го откријат.

И покрај тоа што се смета дека станува збор само за болна шега, Фасула рече дека од продавницата исфрлиле производи во вредност од 35.000 долари и го дезинфицирале просторот.

„Криво ми е за изгубената храна. Секогаш е срамно кога залудно се фрла храна, особено овие времиња, кога многу луѓе се загрижени дека нема да дојдат до потребните производи поради масовната потрошувачка“, напиша Фасула на социјалните мрежи.

 

 

извор: Makfax

© vesnik.com, правата за текстот се на редакцијата