Во интервју за српската државна телевизија, докторот Бранимир Несторовиќ изјави дека околу 70 проценти од луѓето се очекува да бидат заразени со коронавирус и дека врвот на епидемијата допрва се очекува.
„Србија е во третата недела од епидемијата и засега добро се држиме“, вели Несторовиќ.
На прашањето дали бремените жени се заштитени од коронавирус, тој наведува дека најголемиот дел од нив не чувствуваат тегоби дури и кога се заразени.
„Повеќето заразени луѓе скоро и да немаат тегоби, тоа е голем проблем“, додава тој.
Несторовиќ оценува дека ситуацијата не треба да се сфаќа несериозно, бидејќи земјата е на почетокот на критична фаза.
„Ако во понеделник ситуацијата е слична на сегашната можеме да кажеме дека најлошата фаза е зад нас“, смета докотрот.
На прашањето што се случува со луѓето кои прво добиле негативен тест, а потоа е утврдено дека се позитивни за коронавирус, Несторовиќ објаснил дека ниту еден тест не е 100% точен.
извор: Makfax
