Концепт рендери на Samsung Galaxy Note20 Plus (ВИДЕО)

24.03.2020
vesnik-fb-blue
vesnik-twitter-blue
Концепт рендери на Samsung Galaxy Note20 Plus (ВИДЕО)

Samsung Galaxy Note20 линијата телефони се очекува во текот на втората половина на годината. Досега во неколку наврати имавме прилика да слушнеме протечени информации за Galaxy Note 20 моделите, а дојавувачите во последните денови сугерираа дека Galaxy Note20 хардверските спецификации нема премногу да се разликуваат од Galaxy S20 серијата, а ова ги вклучува и камерите.

Дојавувачот Max Weinbach истакна дека на Galaxy Note20 серијата можеме да гледаме како на S20 серија до додаток на S Pen поддршка и засечени агли на куќиштето.

Сајтот LetsGoDigital и дизајнерот Concept Creator се здружија за да ги креираат рендерите на Samsung Galaxy Note20 Plus телефонот, а рендерите се засновани на претходно протечените информации за уредот.

Samsung Galaxy Note20 Plus, според гласините, би требало да има 6,9 или 7-инчен Super AMOLED дисплеј со QHD+ резолуција и 120Hz освежување.

Се очекуваат и подобри камери во однос на Galaxy Note10 Plus, а би можеле да бидат слични на годинашниот S20 Ultra модел (108MP главна, 48MP телефото, 12MP широкоаголна). Хардверските подобрувања во однос на Note10 Plus ќе ги следи и поголемата батерија, со подобра опција за полнење. Се очекува и батерија од 4800mAh и поддршка за полнење од барем 45W.

Европската варијанта на Galaxy Note20 серијата веројатно ќе ја покренува Exynos 990 чипсет, креиран во 7nm процес, а постојат навестувања дека оваа година ќе биде достапен минимално 128GB простор за складирање. Што се однесува до меморијата, се очекува до 16GB RAM.

 

 

извор: USB.mk

© vesnik.com, правата за текстот се на редакцијата