Четиринаесет грчки полицајци биле ставени во карантин по инцидентот во Атина кога маж, тврдејќи дека е заразен со корона вирус, плукнал во лицето на еден од полицајците. Инаку 26-годишниот маж е уапсен вчера во Вула, јужна Атина, за кршење на ретровизор на автомобил.
Тој пред полицијата изјави дека неодамна се вратил во Атина од Лондон и дека тестовите откриле дека тој бил позитивен за вирусот на корона. Едно од обвиненијата против него беше непочитување на обврската за самоизолација за период од 14 дена.
