Претседателот на Собранието Талат Џафери рече дека заврши расправата по предлог-законот за јавно обвинителство, а гласањето, како што рече тој, ќе се спроведе кога координаторите на пратеничките групи ќе го обезбедат потребното мнозинство.
Џафери даде пауза до 22 часот, кога ќе почне 136-та седница, на чиј дневен ред се четири точки: разрешување на министерката за труд и социјална политика, Рашела Мизрахи, предлог-законот за неевидентирани лица во матичната книга на родени, Предлог-законот за именување и дополнување на Изборниот законик по скратена постапка и предлог-законот за дополнување на Законот за лична карта во прво читање.
Џафери претходно најави дека Собранието ќе работи 24/7 се до негово распуштање.
извор: Makfax