За некои Дирк Новицки, за некои можеби Владе Дивац, помладата генерација го знае само Лука Дончиќ, но за најголемиот на сите времиња, кошаркарот кој веројатно ќе остане вечно најдобар, а тоа е Мајкл Џордан, нема дилеми кој е најдобриот  европски кошаркар во историјата.

„Тони Кукоч е број еден, сите знаеме зошто. Следува Дражен Петровиќ, па потоа Арвидас Сабонис. Сите тројца оставија длабока трага. Има уште многу, но да ги набројам сите ќе ми треба повеќе време од една прес конференција“ кажа пред пред неколку денови во Париз, најголемиот. Да потсетиме дека Кукоч играше во Чикаго од 1995 до 1998 и му беше соиграч на Џордан, кога заедно освоија три шампионски прстени.