Денеска беше втор работен ден за фудбалерите на Шкендија во Анталија, и беше доста интересно. Тие роденденот на својот шеф Ернест Ѓока го прославија со засилен тренинг, но имаше моменти и на релаксација. Кога како „честитка“ за роденденот, тој се најде во нивните раце.
Тоа беше добро „загревање“ за тоа што ќе се случува утре. А утре, нашиот шампион ќе ја одигра својата прва пријателска средба во Анталија и воопшто оваа зима. Ривал ќе биде словачкиот тим Серед. На дело ќе се видат новите имиња како Кривак, Ахмеди, Алдаир, Далку…како и оние од кои што се очекува најмногу по обичај како Агим и Бесарт Ибраими, Арменд Алими, Марјан Радески…
