Голема полициска акција се случува на неколку локации во Скопје, меѓу кои и во селата Арачиново и Грчец во близина на Сарај, потврдуваат извори за Вечер.мк .
На барање на ОЈО и Судот, МВР уште вчера распишале потерница по Орхан Бајрами, а се бара и Шеваљ Муареми, како лидери на нарко-бандата од Грчец. Истовремено, се бара и Фатљум Ајети, син на покојни Џељо од Арачиново, како лидер на нарко-групата Беланоча.
Според информации од терен, се расчистува целосно пукањето во Александар Палас, при што се сузбиваат и “Пилотите од Арачиново“ и “Падобранците од Грчец“. Во пакет со тоа се вршат претреси за дрога и оружје.
Од полицијата не откриваат детали за што се работи, кого апсат и која е целта на акцијата.
Граѓани известуваат дека во Грчец има десетици полициски возила со специјални единици од МВР. Таму најверојатно акцијата веќе е при крај или е завршена. Другите локации во Скопје официјално не се откриваат.
Во интерес на акцијата детали не се соопштуваат. Од МВР најавија дека со повеќе детали ќе излезат во текот на денот.