Трупови на сите страни, безживотни човечки тела без екстремитети во ладилник, неисправна ледена комора, мирис на смрт во воздухот. Не е сценарио за најновиот хорор филм, туку опис на вистинската состојба на познатиот париски медицински факултет Рене Декарт во срцето на Сен Жермен.
Француските новинари открија голем скандал. Очевидци велат дека телата биле во неподнослива состојба. Машките и женските трупови стоеја наредени едни над други, понекогаш делумно разделени, искасани од стаорци, додека наоколу стоеја вреќи ѓубре полни со човечко месо. Смрдеата се шири наоколу. Некои од телата беа во таква состојба на распаѓање што требаше да бидат запалени без претходно да бидат искористени за истражување.
Овие се тела на луѓето кои своите тела ги ветиле на научниците, за да може на нив да се обучуваат идните лекари и хирурзи. Специфичноста на овој центар беше тоа што нуди „свежи тела“ кои не се замрзнати или складирани во формалдехид.
Очевидци посочуваат дека се изгледало како хорор среде Париз. За студентите ова било особено шокантно. Во познатата зграда на улицата Светите Отци во Париз, ситуацијата била да треба да се прекрсти човек. Стандардите не се почитувани, фрижидерот се кршел редовно, се пробивала вентилацијата, се блокирала канализацијата, а вратата од ладилникот толку 'рѓосана што не може да се затвори.
До 2018 година илјадници тела беа чувани во такви недостојни услови. Тоа беше, очигледно, скандал кој добро се скриваше. Денес сите се прашуваат како таква состојба може да издржи со децении среде францускиот главен град, во еден од најдобрите медицински колеџи во Европа. Иако телата се наменети само за обука, откриен е уште еден скандал. Излегува дека телата или делови од нив биле продадени на приватни компании без знаење на семејството! Сецирање на лице место е платено од 420 до 900 евра. Професорите на колеџот исто така мораат да платат за тоа. Сведоците велат дека имало разни продавници и дека делови од телата биле купувани „сабота наутро“. Парите, велат тие, служеле за да се овозможи центарот да преживее и да продолжи да функционира.
Бидејќи е основано во 1953 година, ова одделение не е реновирано, така што сцените потсетуваа на средниот век отколку на модерната ера. Властите конечно одобрија повеќе од 7,5 милиони евра, работата ќе започне следната година и треба да заврши во 2024 година. Кога се откри скандалот, Министерството за образование привремено го затвори центарот за спроведување на темелна истрага, додека од универзитетот во Париз, Рене Декарта се извини пред семејствата на донаторите.
