Потпретседателот и пратеник на СДСМ, Мухамед Зекири, ги критикуваше министрите на ДУИ, кои според него, се обидуваат да ги присвојат достигнувањата на Владата.
Зеќири посебно бил изиритиран од вицепремиерот задолжен за европски прашања, Бујар Османи, затоа што се фалел дека ДУИ го направиле проектот за реновирање на албанскиот театар.
Со тоа што козата се фали, овцата се срами, му порача Мухамед Зеќири на Бујар Османи.
Зекири вели дека тој се сеќава уште од времето кога бил новинар, и дека и од претходната Влада за реновирање на овој театар биле доделувани финасиски средства, кои некој ги злоупотребил или дури и ги украл.
„Многу ме иритираше фалењето на заменикпремиерот Османи со албанскиот театар. Има една поговорка: Со тоа што козата гордее, овцата се срами. Уште од времето кога јас бев новинар, се занимавме со албанскиот театар. Многу пати и од поранешната Влада, доделени се многу средства за реновирање на тој теарат, но многу пати се злоупотребени тие средства и некој ги украл тие средтва, може така отворено да кажеме. И нашата Влада продолжи да помага за да се постигне да заврши овој проект. И не може сега тие што не успеале многу пати до сега да го решат ова прашање и биле проблемот, сега да излегуваат пред медиумите и да се фалат дека тие го направиле проектот за театарот. И овј проект и завршувањето на овој проект е заслуга на Владата а не на одредени индивидуи“, рече Зеќири.
Тој рече дека сите заслуги за позитивните промени во земјата се на Владата предводена од премиерот Заев, бидејќи ДУИ исто така беше на власт со Груевски и не можела да стори ништо.
