Во шумски пожари во крајбрежниот резерват во Нов Јужен Велс, во Австралија настрадале половина од коалите што живеат таму, соопштија експертите денес.
Раниот почеток на сезоната на пожари предизвика огнови во природниот резерват Лејк Инес кои минатиот месец уништија две третини од живеалиштата на коалите, а останатите беа во опасност поради 15 големи пожари на австралискиот југоисток, објави „Ројтерс“.
Околу 350 коали кои живеат во резерват во крајбрежниот град Макуори настрадаа во шумски пожари, проценува Организацијата за зачувување на коалите во Австралија.
Во резерватот имало меѓу 500 и 600 коали, изјави претседателката на организацијата, Су Ештон.
Негуватели за животни од болницата за коали во Макуори се грижат за коалите, им ги лекуваат раните и ги хранат со лисја од еукапилус.
извор: Makfax