Калуѓерки забремениле за време на мисионерско патување

7.11.2019
vesnik-fb-blue
vesnik-twitter-blue
Калуѓерки забремениле за време на мисионерско патување

По враќањето од мисионерскиот пат низ Африка, две калуѓерки дознале дека се бремени. Претствници на Римокатоличката црква го истражуваат овој случај. Двете калуѓерки се со потекло од Африка и се припаднички на различни редови на Сицилија, една престојува во Месина, а другата во градот Испик.

Едната 34-годишна монахиња открила дека е бремена по што отишла во болница со силни болки во стомакот, пишува „Газета дел Суд“. Другата монахиња, со потекло од Мадагаскар, бремена е веќе неколку месеци.

Сицилијанскиот советник, Руџеро Раца, најави отворање интерна истрага за тоа како како станале јавни информациите за бременоста. Калуѓерките ќе можат да бираат дали ќе ја напуштат службата и ќе ги одгледуваат своите деца.

Папата Франциск на почетокот на оваа година за првпат призна дека Римокатоличката црква има проблем со свештениците и бискупите кои сексуално ги злоупотребуваат калуѓерките. Не е познато дали калуѓерките се злоупотребени во овој случај.

извор: Makfax

© vesnik.com, правата за текстот се на редакцијата