Бизарните ледени јајца на брегот на Финска станаа атракција

7.11.2019
vesnik-fb-blue
vesnik-twitter-blue
Бизарните ледени јајца на брегот на Финска станаа атракција

Фотографиите од ледени овални формации создадени со ретко совпаѓање на фактори на островот Хаилуото во северна Финска ги изненадија корисниците на социјалните мрежи и брзо станаа многу гледани.

Фотографиите на ледени јајца, со разна големина, ги снимил жителот на Оулу и аматерски фотограф Ристо Матила додека шетал на плажата Марјаниеми во Остроботнија.

Тој признава дека првпат наидува на ваква необична појава иако 25 години живее во близина на морето.

Јуни Ваинио од финскиот Метеоролошки завод објасни дека ледените јајца, иако се ретки, имаат научно објаснување.

За да се појават, потребна им е ретко видена комбинација на воздух и водни услови со можност аа замрзнување, објаснува Ваинио.
За тој процес клучно е и точно одредено количество ветар.

Тој исто така истакна дека Матила имал среќа да наиде на јајцата затоа што тие траат многу кратко во оваа форма – или се топат или се претвораат во големо парче мраз.

извор: Makfax

© vesnik.com, правата за текстот се на редакцијата