Американскиот претседател Доналд Трамп ја бранеше својата одлука во врска со повлекувањето на трупите од Сирија пред офанзивата што ја почна Турција, велејќи дека САД ги напуштиле Курдите затоа што не им помогнале на САД во Втората светска војна.
Турскиот претседател Реџеп Таип Ердоган вчера почна воздушен напад, а потоа и копнена офанзива во североисточна Сирија, каде главна цел ќе бидат сириските демократски сили (СДФ) предводени од Курдите, при што Анкара има за цел да создаде „безбедна зона“ во областа.
Во пресрет на операцијата, Соединетите Држави изјавија дека тие дозволуваат премин на Турците и ги повлекуваат своите трупи, оставајќи ги своите најголеми сојузници во борбата против Исламската држава.
Trump on the Kurds: "They didn't help us in the Second World War, they didn't help us with Normandy, as an example." He suggests that they battled alongside U.S. forces for "their land," and adds, "With all of that being said, we like the Kurds." pic.twitter.com/4aFGJiQquv
— Luis Velarde (@luivelarde) October 9, 2019
„Не ни помогнаа во Втората светска војна, не ни помогнаа во Нормандија“, рече Трамп и додаде дека и покрај тоа, Америка ги сака Курдите.
Територијата на таканаречениот Курдистан се наоѓа на тромеѓата на Ирак, Сирија и Турција и е оддалечена приближно 4.000 километри од Нормандија.
Трамп исто така изјави дека САД не ја поддржуваат воената операција на Турција, што го потврди и државниот секретар Мајк Помпео, кој рече дека САД не дале „зелено светло“.
извор: Makfax
