Кога прв пат ќе станете родители, ќе добиете безброј совети за вашето малечко. Но, најверојатно ќе го слушнете и прашањето „Кога ќе размислувате за второ?“ Ако, пак, речете дека не сакате второ дете, ќе почнете да слушате критики како „Зарем не би сакале братче или сестриче за детето“ и слично.

Една жена, Меган Хансен, повеќе не можела да го трпи сето ова, па решила да сподели 10 причини зошто не сака да има второ дете. Погледнете кои:

Јас и сопругот сме преморени

И двајцата работиме со полно работно време. Кога ќе стигнеме дома, правиме вечера и ја заспиваме ќерката. Исцрпени сме. Обично еден час пред спиење, гледаме телевизија или во телефоните.

Едноставно, немаме енергија да се будиме сред ноќ за да внимаваме на новороденчето. Тој брод замина.

Кога не спијам, работите стануваат лоши

Кога ќерката беше бебе, бев толку измачена од недостаток на сон, што во еден момент се насмеав и го прашав сопругот дали можеме да ја вратиме во болница.

Немам желба повторно да минувам низ тоа.

Сакам да имам свое хоби

Однапред ве предупредувам дека сега кажувам нешто што е табу – сакам да имам свој живот, надвор од работата и семејството. Некои од вас сега ќе изгубат свест, а некои гласно ќе кажат „ДА“ во знак на поддршка.

Во нашето општество е всадено дека жените мораат да се грижат за сите и за сè, а грижата за себе целосно да ја занемарат.

Не сакам така да го продолжам животот. Моето семејство го сакам повеќе од сè на светот, но ми треба време, без нив, да бидам своја.

Трошоците за децата се огромни

Мислам дека јас и сопругот не можеме да си дозволиме уште едно дете. Претпоставувам дека е возможно, но тогаш ќе треба да изоставиме многу забавни работи, како носење на ќерката во зоолошка.

Ќе треба многу да размислуваме за штедење, а тоа не ми звучи забавно.

Не сакам да расипам ништо

Знам многу луѓе кои ми имаат кажано дека првото дете им е совршено, но кога стигнало второто, со сосема други предизвикувачки ставови, одгледувањето станало напорно.

Искрено, не сум сигурна дали имам трпение за такви животни тешкотии и не сакам да го „расипам“ сето ова убаво и мирно нешто што ми се случува во животот.

Ми недостасува сопругот

Искрено, не можам да се сетам кога последен пат сме отишле сами на вечера со сопругот. Ми недостасува да разговарам со него за што било друго, освен за работите што ќерка ни ги направила тој ден.

Штедењето за факултет е застрашувачко

Високото образование е скапо, па рано го започнувам училишниот фонд на моето дете.

Кога ќе се земе предвид колку е скап факултетот, сигурна сум дека не можам да му го овозможам на уште едно дете.

Сонувам за семеен одмор

Иако сè уште се обидуваме да заштедиме за образованието на ќерката, би сакала да одвојам средства за неколку прекрасни семејни одмори.

Сакам да одам во странство и да ги истражувам разните култури и обичаи. Се надевам дека ова ќе го правиме кога ќерката ќе биде тинејџерка, па имаме уште време за штедење.

Сакав да сум единец

Моето семејство ми кажува дека рано сум одлучила дека сакам да бидам единец.

Никогаш не морало да ја делам собата и го имав целото внимание на родителите.

Можеби ова ме направило разгалена, но сето тоа ми помогнало да станам личноста којашто сум денес.

Нема гаранција

Додека растев, морав да се справам со смртта на саканите членови од семејството. Понекогаш сакав да имам брат или сестра со кои ќе ја споделам тагата, но сега сфатив дека нема гаранција за тоа.

Не знам дали моите браќа или сестри воопшто би биле тука за мене. Сопругот не е близок со неговите браќа и сестри. Едноставно, никогаш не знаете што ќе добиете.

4

Најчитани вести