Фолксваген се подготвува за новото време, а тоа доаѓа за неколку години не подоцна. Фирмата која се прослави со моделите Буба и Голф своето лидерско место во светот кое го дели со Тојота има намера да го задржи и во ерата на електрични модели а централен модел им е идниот Голф кој засега носи назив ID.3 со футуристички дизајн и големина која одговара на прославениот Голф.
Целта на германскиот гигант е со овој модел да докаже дека електричните автомобили станаа наша реалност. На каналот Top Gear Youtube се појави видео во кое колегите детално ни опишуваат се за овој нов, електричен „фолк“ автомобил. Благодарение на видеото, можеме да видиме сè што не видовме на фотографиите.
