„Ана Каренина“ на 19 септември на сцената на Националната опера и балет

12.09.2019
vesnik-fb-blue
vesnik-twitter-blue
„Ана Каренина“ на 19 септември на сцената на Националната опера и балет

Најгледаната балетска претстава за сезона 2018/19, балет во два чина „Ана Каренина“, со одбрана музика од рускиот великан Петар Илич Чајковски ќе се одигра на сцената на Националната опера и балет на 19 септември (четврток), со почеток во 20 часот.

Преку современите кореографски решенија сoединети со класичен балет на Лео Мујиќ од Хрватска, минималистичка, но ефектна сценографија, прекрасните костими на Александар Ношпал, ќе видиме едно интересно визуелно, динамично и полно со страст балетско видување на познатиот роман „Ана Каренина“ на големиот руски писател Толстој.

Во повеќе од два часа, балетските уметници на НОБ, на чело со впечатливиот, емотивниот до исцрпување танц и инспиративните движења на Мими Поп Алексова Атанасовска како Ана Каренина, Бобан Ковачевски како Вронски, Васил Чичијашвили од Грузија како гроф Каренин, ќе ги пренесат сите емоции кои го означуваат ова дело: љубов, страст, омраза, лутина, гнев, љубомора, тага, мајчинска болка… Моќна, динамична, емотивна…!

Настапуваат истакнати солисти, солисти и целиот балетски ансамбл на Националната опера и балет.

извор: Makfax

© vesnik.com, правата за текстот се на редакцијата