Кина се закани зошто Германија го прими организаторот на протестите во Хонгконг

11.09.2019
vesnik-fb-blue
vesnik-twitter-blue
Кина се закани зошто Германија го прими организаторот на протестите во Хонгконг

Кинеските власти денеска официјално го повикаа германскиот амбасадор во Пекинг и се закаканија со негативни последици по односите меѓу двете земји, откако гермснскиот министер за надворешни работи, Хајко Маас, се сретна со лидерот на протестите во Хонгконг, Џошуа Вонг.

Кинескиот амбасадор во Берлин, Ву Кен, посочи дека Пекинг го изразил своето длабоко незадоволство од, како што рече, овој инцидент, мислејќи на средбата меѓу Маас и Вонг.

Германското МНР во меѓувреме потврди дека нивнинот амбасадор бил повикан на состанок во кинеското министерство за надворешни работи.

Ву рече дека кинеската влада во неколку наврати побарала на Вонг да му биде забранет влез во Германија.

Џошуа Вонг, лидерот на антивладиното движење во Хонгконг, денеска во германската влада во Берлин јавно го осуди полициското насилство и злоупотребата на службената должност за време на актуелните повеќемесечни демонстрации во овој полуавтономен кинески регион, јавуваат светските агенции.

Од германската Влада тој побарал да ги прекине трговските разговори со Кина сè додека на дневен ред не се стават прашањата за човековите права.

Лидерот на протестите во Хонгконг посочи и дека на средбата со германскиот министер за надворешни работи, Хајко Маас, во понеделникот, ги искажал сите свои барања, што Кина остро ги критикува.

Вонг е во посета на Берлин на покана на весникот „Билд“.

извор: Makfax

© vesnik.com, правата за текстот се на редакцијата