Премиерката на Нов Зеланд се извини за сексуален напад од член на партијата

11.09.2019
vesnik-fb-blue
vesnik-twitter-blue
Премиерката на Нов Зеланд се извини за сексуален напад од член на партијата

Новозеландската премиерка Џакинда Арден се извини поради начинот на кој нејзината партија реагирала на обвинувањата за сексуална злоупотреба насочени кон еден член на партијата и прифати оставка од претседателот на партијата поради тој скандал.

Се работи за скандал кој значително им наштети на угледот на Арден и на нејзината коалициска Влада на левиот центар, која неочекувано дојде на власт во 2017 година.

„Во име на Лабуристичката партија им се извинувам на жртвите од сексуални напади, поради начинот на кој Владата се однесувала во овој случај“, рекла Арден, додавајќи дека ја прифатила оставката на претседателот на партијата, Нигел Хаворт.

„Да се пријави сексуално насилство е тешко само по себе и немарно да предизвикаш дополнително страдање на лице кое поминало низ тоа е исклучително разочарувачки“, додала таа.

19-годишна девојка минатата година пријави во Лабуристичката партија сексуално насилство од страна на еден од членовите на партијата, која спровела истрага и заклучила дека не се потребни дополнителни мерки во случајот на обвинетиот партиски член.

извор: Makfax

© vesnik.com, правата за текстот се на редакцијата