Претставниците на македонската дијаспора од САД и од Малта реагираа преку Твитер на осудата од министерот без ресор Едмонд Адеми за палењето слики на Зоран Заев и на Радмила Шекеринска во Мелбурн, потсетувајќи го на истиот чин на „шарените“ со Ѓорге Иванов пред насмеаниот Заев.
„Министеров без ресор за дијаспора @ademie го осудува палењето на сликите на @Zoran_Zaev и @Sekerinska во Австралија, а не реагираше кога неговиот шеф се смееше од задоволство кога пред негови очи шарените палеа слики од Иванов. Доста ви беше! #Оставка“, од Вашингтон на Адеми му реплицира Ана Дукоска, глобална координаторка на непартиското движење „Ние сме Македонија“.
„Двојните стандарди на @ademie. Исто така би можел вака јавно да се произнесе за неговите пулени од ФДМ кога јавно вреѓаа поранешни фунционери. Исто така, редно е еднаш јавно да обелодени која е таа дијаспора за кој тој постојано зборува дека го поддржува? Адеми е кловн министер!“, твитна Максимилијан Казаков, претседател на Македонска заедница во Малта.