Грчката крајбрежна стража соопшти денеска дека го запленила бродот и уапсила две лица осомничени дека се обиделе да прошверцуваат 37 мигранти во Италија.
Крајбрежната стража соопшти дека бродот што пловел под украинско знаме е запрен во Јонското Море, северозападно од островот Закинтос вчера наутро, објави АП.
Мигрантите биле пренесени во пристаништето Закинтос и бродот бил конфискуван.
Податоците за националноста на мигрантите не се соопштени.
Грчките власти соопштија дека испитуваат дали двајцата осомничени, идентификувани само како странци на возраст од 35 и 49 години, биле дел од меѓународната мрежа на шверцери.
Стотици луѓе продолжуваат да пристигнуваат во Грција од Турција, со надеж дека ќе стигнат понатаму кон север во поразвиените европски земји.
извор: Makfax
