Екипите на Федералната управа за цивилна заштита на Босна и Херцеговина откриле трета авионска бомба на градилиште, односно во текот на изградба на нов трговски центар во Сараево.

Бомбата била пронајдена во утринските часови, а како и во претходните два случаи, таа најпрво била забележана од градежните работници на терен, пренесува агенцијата „Танјуг“.

Според Фахрудин Солак, директор на Федералната управа за цивилна заштита, се претпоставува дека станува збор за ист вид на бомба со оние што претходно беа пронајдени, која тежи околу 500 килограми.

Бомбата се очекува да биде деактивирана на местото каде што е пронајдена, а за уништување ќе биде дополнително транспортирана на безбедно место.

извор: Makfax

2

Најчитани вести