Првата дама Меланија Трамп во понеделникот ја искажа својата загриженост за растечките опасности поврзани со е-цигари и употребата од страна на деца.
"Јас сум длабоко загрижена за растечката епидемија на употреба на е-цигари кај нашите деца. Треба да сториме се што можеме за да ја заштитиме јавноста од болести поврзани со тутунот и смртта и да спречиме е-цигарите да станат рампи на никотинска зависност за генерација на млади“, твитна првата дама.
I am deeply concerned about the growing epidemic of e-cigarette use in our children. We need to do all we can to protect the public from tobacco-related disease and death, and prevent e-cigarettes from becoming an on-ramp to nicotine addiction for a generation of youth. @HHSGov
— Melania Trump (@FLOTUS) September 9, 2019
Управата за храна и лекови на САД во понеделникот испрати предупредувачко писмо до JUUL, водечкиот производител на е-цигари, конкретно осврнувајќи се на маркетинг тактиките на компанијата, за кои се изјасни дека е-цигарите се побезбедна алтернатива за редовните цигари.
Покрај тоа, постои загриженост дека пораката на JUUL е насочена директно кон малолетни потрошувачи.
„Без оглед на тоа каде производите како е-цигари паѓаат на континуумот на ризикот од тутунски производи, законот е јасен дека, пред да се пуштаат производи од тутун со намален ризик, компаниите мора да демонстрираат со научен доказ дека нивниот специфичен производ всушност носи помалку ризик или е помалку штетен“, рече в.д. комесарот на ФДА, д-р Нед Шарплес, во изјава за предупредувањето до JUUL, на кое му се дадени 15 дена да одговори на писмото на ФДА.
„JUUL го игнорираше законот и многу загрижувачки, даде некои од овие изјави во училишта пред младината на нашата нација“, напиша Шарплес.
Иницијативата на првата дама „Биди најдобар/најдобра“ е насочена кон помагање на децата, а еден од нејзините три столба е насочен кон здравјето и благосостојбата на децата.
As students across the country head back to classes, I want to wish everyone a successful school year! #BeBest pic.twitter.com/7wjJgmY6Qo
— Melania Trump (@FLOTUS) September 3, 2019
Има драматичен пораст на бројот на деца и тинејџери кои користат е-цигари, бидејќи производите стануваат се повеќе достапни, а рекламирањето и маркетинг кампањите на Јул се зголемија. Центрите за контрола и превенција на болести во САД работат во тандем со ФДА за да ги следат опасностите поврзани со употреба на е-цигари, што во последните неколку недели беше поврзано со сериозни здравствени проблеми.
Во петокот американските здравствени власти објавија дека сега се свесни за најмалку 450 можни случаи на тешка болест на белите дробови кои можат да бидат предизвикани од испарување низ 33 држави. Покрај тоа, имало најмалку пет смртни случаи во пет држави - по една во Илиноис, Орегон, Минесота, Индијана и Калифорнија - поврзани со овие болести.
„Ја известивме и индустријата: Ако продолжи вознемирувачкиот пораст на младинската употреба на е-цигара, особено преку употреба на вкусови што им се допаѓаат на децата, ќе преземеме уште поагресивно дејствување“, напиша Шарплес во своето писмо во понеделникот до Јул, чии производи користат многу слатки ароми, привлечни за младите луѓе, вклучувајќи лубеница, грозје и јагода, како и лимонада.
Првата дама претходно се обрати околу употребата на е-цигари за време на младинскиот форум за лидерство во февруари, кој се фокусираше на злоупотреба на опијати кај младите.
Our Administration continues to fight the opioid epidemic. Today we announced $1.8 billion in funding through @HHS to continue helping local communities in all 50 states combat this crisis. @ONDCP #BeBest pic.twitter.com/4SzlH8YECu
— Melania Trump (@FLOTUS) September 4, 2019
Трамп беше запрашана за порастот на употреба на е-цигарите кај децата.
„Тоа е како цела кутија цигари“, рече таа, истакнувајќи дека таа и другите родители се загрижени дека децата не ја разбираат целосната опасност од е-цигари. „(Тоа е) уште едно прашање со кое треба да се справиме“, пренесува CNN.
Следи нè
