Што се однесува до самите препораки на УНЕСКО, имате две различни визии кои што се однесуваат на оваа локација. Првата визија е да се сочува сето природно и културно наследство со кое изобилува овој регион и локација каде туризмот ќе може да се развие, луѓето да можат да живеат и да го сочуваат сето свое богатство, ова го изјави евроамбасадорот Дејвид Гир.
– И се разбира постои друга визија, а тоа нелегалниот див развој, или диви градби, една визија која ќе го уништи сето тоа што ние сакаме да го зачуваме, а тоа е природното и културно наследство кое постои тука, додаде Гир.
Според него наше е да одлучиме дали ќе се посветиме на заштита на Охридскиот регион или на дивоградбите.
Ова доаѓа непосредно по најавената мониторинг мисија на тим на УНЕСКО на Охридскиот регион и одлуката дали Охрид ќе се најде на листата на загрозени подрачја.
Од граѓанскиот сектор сметаат дека неконтролираната урбанизација и понатаму останува главен проблем.
– Ние како граѓански организации околу дваесет, ќе поднесеме иницијатива до УНЕСКО, мерка, според законот, да и се одземат надлежностите на советот на град Охрид за урбанизаицја за висококатниците, не за индивидуалните објекти, како една од мерките. Според законот одговорноста нека ја преземе Министерството за транспорт и врски на едно повисоко ниво.Ќе продожиме мерка да и се одземат надлежностите на Советот за 5 години, рече Никола Киселинов, граѓански активист.
Во септември годинава, УНЕСКО на 45-та сесија во Кина треба одлучува по извештаите што ќе ги подготви мониторинг мисијата.