Следната година германските вооружени сили повторно ќе испратат брод во Тихиот Океан за да се закотви во Јапонија, изјави германскиот канцелар Олаф Шолц, кој ја нарече мисијата „посветеност на слободата на пловидба“.
Шолц се состана со јапонскиот премиер Фумио Кишида во Токио, а нивните разговори се фокусираа на меѓународната соработка додека Берлин се обидува да ја намали својата економска зависност од кинеските суровини во услови на тензии околу глобалните синџири на снабдување. Двете земји сакаат да се решат и да го ограничат ризикот од прекумерни зависности, се вели во соопштението.
Државните институции на Јапонија и Германија ќе ја прошират соработката, а предвидена е и дополнителна владина поддршка за екстракција, рафинирање, преработка и рециклирање. Берлин се обидува да ги диверзифицира добавувачите и да извлече лекции од својата поранешна зависност од Москва за снабдување со гас, која беше набрзина прекината откако Кремљ ја започна својата инвазија на Украина, пренесе Индекс.хр.
