Вo париската катедрала Нотр Дам денескабеше одржана првата миса по пожарот на 15 април. Два месеци по ужасниот пожар, парискиот надбискуп Мишел Опети одржа служба пред малиот број верници, само во капелата зад хорот, бидејќи тоа место е потврдено дека е безбедно.
Министерот за култура, Франк Ристе, претходно изјави дека готската катедрала и натаму е во кревка состојба и дека некои делови се уште можат да се урнат. Поради безбедносни причини во катедралата беа пуштени само 30 луѓе, во главно свештеници и вработени во црквата, а надбискупот и другите имале градежни шлемови на главите. На мисата биле повикани и некои од работниците кои работат на обнова на катедралата.
Останатите верници можеа да ја следат мисата на католичката телевизија, која пренесувала во живо. Се уште не се знае кога Нотр Дам ќе биде отворена за јавноста.
Претседателот Емануел Макрон постави рок од пет години за обнова на црквата, што многумина експерти е нереално кус период.
извор: Makfax