Завршува изградбата на дивоградбата на државно земјиште на советникот во Општина Охрид од ДУИ Нефи Усеини. Без дозвола за градба Усеини на најдрзок начин подигна урбана опрема во тврда градба во заштитеното јадро на Охрид, во близина на чинарот.
Џабе доаѓате, кај чинарот ќе се гради. Договорено е со Зоран Заев и Костадин Георгиевски, со овие зборови инвеститорот Нефи Усеини (советник на ДУИ во Општина Охрид и инвеститор на дивоградбата кај Чинарот) им се обратил на инспекторите и обвинителот кои отишле на лице место за да ја стопираат дивоградбата, пренесува порталот Лидер.мк.
