Вкупно 23,3 отсто од гласачите за најдобар женски вокал на годинешното евровизиско издание, кое се одржа минатиот месец во Израел, својот глас го дале за нашата претставничка Тамара. Ова е прво вакво признание за нашата земја.
Зад Тамара се пласирале Кејт Милер-Хајтке од Австралија и Тамта од Кипар. Во категоријата за најдобра песна, пак, наградата и припадна на победничката „Аркада“ во изведба на Данкан Лоренс од Холандија. Лука Хани од Швајцарија победи во категоријата за најдобар машки изведувач, оставајќи го победникот Данкан на второто и Италијанецот Махмуд на третото место. Норвежаните „КЕИНО“ се прогласени за најдобра група. Гласањето за Радио-наградите на Евровизија 2019 година траеше од 1 до 10 јуни, а фановите и гледачите на евровизискиот натпревар низ светот одлучуваа кому ќе му припаднат трофеите.