На Железничката станица Миладиновци вчераутро се запали локомотива. Настанот во СВР Скопје бил пријавен околу 08:42 часот, а според пријавата, пожарот избувнал во локомотива која влечела композиција од два вагона, а сообраќала на релација Табановце – Скопје.
Пожарот бил изгаснат од екипа на Бригадата за противпожарна заштита Скопје, а повредени патници и персонал нема. Увид бил извршен.
