Доцна синоќа некаде околу 22 часот на автопатот А1, на делот Миравци – Демир Капија, полициски службеници од Полициската станица за граничен премин Богородица запреле автобус со штипски регистарски ознаки, по што возачот го напуштил автобусот.
При контрола во автобусот бил пронајден 61 мигрант, од кои 30 од Сирија, 27 од Пакистан и четири од Индија. Мигрантите биле сместени во Прифатно-транзитниот центар Винојуг и по целосно документирање и расчистување на случајот ќе биде поднесена соодветна пријава.
