Неодамна реизбраната унгарска влада најави нови секторски даноци за 2022 и 2023 година.
Овој потег е одговор на тешкотиите предизвикани од војната во Украина и зголемените цени на суровините, објави глобалната адвокатска канцеларија за корпоративно право CMS.
Банките ќе треба да плаќаат дополнителен данок на нивните каматни маржи.
Владата на премиерот Виктор Орбан тројно ќе го зголеми износот на таксата за рударство што ја плаќаат компаниите што вадат нафта и природен гас, а ќе го промени и начинот на пресметување на хонорарите.
Дел од профитот на маржи ќе подлежи на дополнителен данок. Ќе се наплаќаат повисоки даноци за производителите на биоетанол и биогориво.
Во малопродажниот сектор, даночните стапки што се применуваат на двете највисоки даночни групи ќе се зголемат: од 2,7 отсто на 4,1 отсто за даночните обврзници над 100 милијарди HUF (околу 250 милиони евра) нето приходи од продажба и од 0,4 отсто на 1 отсто за даночните обврзници во група од 30 до 100 милијарди форинти нето приходи од продажба.
Ќе се воведе и нов данок на промет на роаминг, интернет и кабловска телевизија. Деталите допрва треба да се финализираат, пренесува Bif.rs.
Кога станува збор за авиокомпаниите, такси ќе се наплаќаат од давателите на услуги на земја. Овие дополнителни такси (приближно 10-15 евра по патување) индиректно ќе бидат на товар на патниците.
Фото: AndreyPopov
