Еден од највлијателните американски и светски медиуми Вол Стрит Џурнал не нарече Северномакедонци, а македонската влада и кабинетот на Пендаровски молчат за сменетиот идентитет, пренесува expres.mk.
Иако на весникот му е јасно дека треба да не нарече Македонци затоа што тоа е навредливо, а ПР тимовите на власта особено на Пендаровски сигурно ја прочитале анализата, тие молчат за навредливиот однос кон сите Македонци.
Цели три дена откако е објавен текстот во кој претседателот Пендаровски индиректно се заканува со мигрантска криза ако нема датум за преговори, никој од власта не реагирал до Вол Стрит Џурнал.
До влијателниот весник кој е масовно цитиран во САД и глобално не реагирала ниту македонската амбасада во Вашингтон, мисијата на Македонија во ОН во Њујорк ниту пак Македонското министерство за надворешни работи.
И Заев и Пендаровски од промената на името постојано тврдат дека идентитетот е бетониран и дека остануваме Македонци.
Сега тие заедно со министерот Димитров и вицепремиерката Шеќеринска молчат и го прифаќаат навредливото и вештачко именување на Македонците како северномакедонци.
Текстот е преземен од: експрес.мк
