Градоначалникот на Куманово, Максим Димитриевски вели дека е длабоко изненаден од игнорантскиот однос и неговото континуираното неповикување на седниците на централен одбор на СДСМ.
Димитриевски очекувал вчера да биде повикан да се дискутира за неговиотт статус во партијата и за решенија за најновите состојби во партијата.
– Ваквото непочитување на статутот недостаток на демократски капацитет на дел од раководството само ги потврдува моите сомнежи на лојалистичко клиентелистичкиот пристап кој воведува нов феномен на марионетски лидерства, вели тој.
Според него членството е тоа кое во една демократска и транспарентна постапка на евидентирање и кандидирање на кандидати за иден лидер на партијата треба да го има главниот збор до конечниот избор како и до сега.
