Унгарија прими 50 романски пациенти со Ковид-19, болниците во Романија преполни

13.10.2021
Vesnik.com
Унгарија прими 50 романски пациенти со Ковид-19, болниците во Романија преполни

Унгарија одлучи да прифати 50 пациенти со Ковид-19 од Романија и да ги смести на одделенија за интензивна нега во нејзините болници, изјави денеска министерот за надворешни работи Петер Сијарто.

Тој оцени дека Романија е во исклучително тешка епидемиолошка ситуација и додаде дека унгарската влада е во контакт со романски официјални лица со цел да и помогне на Романија, пренесуваат агенциите.

Сијарто потсети дека Унгарија веќе донирала респиратори и други медицински помагала и дека се согласила да прифати сериозно болни пациенти со ковид, кои ќе бидат сместени во болниците во Сегед и Дебрецен.

Романските власти претходно предупредија дека единиците за интензивна нега во земјата се полни и дека нема простор за нови пациенти со Ковид-19.

 

makfax.com.mk

© vesnik.com, правата за текстот се на редакцијата