Сончево и многу топло со температура до 42 степена

31.07.2021
Сончево и многу топло со температура до 42 степена

Времето денеска ќе биде сончево и многу топло со слаб променлив ветер. Минималната температура ќе биде во интервал од 13 до 22, а максималната ќе достигне од 34 до 42 степена. УВ=9

Во Скопје сончево и многу топло со слаб северозападен ветер. Минималната температура ќе се спушти до 20, а максималната ќе достигне 41 степен.

Продолжува периодот на стабилно и многу топло време со натпросечни температури за овој период од годината. Максималните температурни вредности вдолж Повардарието за 2 до 3 степени ќе го надминуваат 40-иот степен.

И во наредните денови насекаде ќе биде активирано портокалово ниво на опасност од високи температури.

 

makfax.com.mk

© vesnik.com, правата за текстот се на редакцијата