Тој се сретнал со наркотици за време на неговото средно образование, но тоа краткотрајно задоволство скапо го чинело. Неколку пати се обидувал да искочи од овој грозен круг на зависност и се уште не му успеало.
-На почетоците беа само викенди, потоа неколку таблети, мешање на едно со друго, алкохол, хероин…Тогаш не размислуваш. Млад си – мислиш дека имаш слобода но потоа со време сфаќате дека не е баш така, вака ја започнува својата исповед млад дечко од Србија кој пред камерите на “Прва” сакал да остане анонимен.
Кога сфатил дека е зависник, донел одлука сам да се соочи со проблемот, но тој обид завршил неславно.
-Најважен прв чекор е да си признаеш сам на себе дека си зависник, вели тој.
Од одличен студент на Факултетот за современа уметност, кој зад себе има 5 самостојни изложби патот на дрогата го донел до Специјалната болница за зависници во Белград. Сепак, непосредно по првото лечење тој повторно се вратил на својот порок.
-Некое време успеав да живеам чист, но кога си некаде сам повторно му се враќаш на стариот пат, повторно од почеток, повторно лекување и потоа потворно од почеток, објаснува тој.
После многу години лечење и откажување тој нема намера да се откаже.
-Третманот е тежок. И физички и психички и не би му го посакал на никој. Овде луѓето не сфаќаат дека зависноста е болест и дека се лекува. Јас не планирам да се откажам, завршува тој.