(Видео) Снимка од дрон го прикажува ужасот во Кина, метро-станицата сѐ уште е под вода

22.07.2021
vesnik-fb-blue
vesnik-twitter-blue
(Видео) Снимка од дрон го прикажува ужасот во Кина, метро-станицата сѐ уште е под вода

Снимките направени од дрон го прикажуваат целиот хорор предизвикан од поплавите во кинеската провинција Хенан.

На снимката се гледаат автомобили што ги носи вода, како и метро-станицата, која е поплавена, пишува Би-би-си.

Фотографиите покажуваат и голема штета предизвикана од рекордните врнежи од дожд што го погодија големиот град Џенгџоу во вторникот вечерта.


Областа погодена од катастрофата опфаќа повеќе од три милиони луѓе во 103 заедници, а 256.000 луѓе се евакуирани, соопштија властите во провинцијата Хенан.

Површината на оштетеното земјоделско земјиште се проценува на речиси 215.000 хектари, а директната економска штета на приближно 190 милиони долари.

Според новиот биланс на состојбата објавен денес од националната телевизија, најмалку 33 лица загинаа во големите поплави, а осум се водат како исчезнати.

 

makfax.com.mk

© vesnik.com, правата за текстот се на редакцијата