Со години се водат многу полемики околу заштитата на кожата, како и бројни акции кои имаат за цел подигање на свеста за штетноста на директните сончеви зраци на кожата.
Кога станува збор за негата на кожата Азијатите доминираат – овојпат од кај нив стигнува фејскини! Нов тренд кога е во прашање заштитата, ама и модата за на плажа.
Во Кина се користат многу производи за одржување на бледата кожа. И додека многумина се гордеат со бронзениот тен и истиот го гледаат како услов за убавина, азиските жени сметаат дека белата кожа е одраз на вистинска убавина, па заради тоа на плажа изгледаат како лопови – носат маска (фантомка) која има отвори за очите, носот и устата.
Ова бикини е изум на сопственичката на продавници за костими за капење Жанг Шифан, а неговата цел е заштита од сонце, медузи и инсекти.
И додека девојките во западните култури трагаат по што е можно поминимално бикини, а се почесто на плажа се и речиси голи, во Кина сериозно ги слушаат советите на стручњаците кои велат дека изложувањето на сонце треба да биде исклучително претпазливо.
Цената на ова бикини за лице варира од 2 долари за наједноставните модели, до 24 за оние полуксузните.
Што мислите за овој моден крик – би излегле ли на плажа вака!?
