Skip to main content
x

7 Jul 2021 - 17:00
redakcija
Статија

Оние кои се на море или езеро овие денови се вистински среќници како и те кои се на планина, но како да преживеат оние кои, барем засега, се осудени да останат во градот плус 40, опкружени со асфалт, во јавен превоз, со дневни обврски што треба да ги завршат?

Уште во јуни, соборувавме рекорди во температурата, многумина не го ни почувствуваа краткорочното освежување, а веќе нè следи нов врел бран. Метеоролозите најавуваат дека ова лето ќе биде потопло од вообичаено, со неколку бранови со многу високи температури.

Значи, треба добро да се подготвите

Лекарите советуваат да него напуштаме домот во најтоплиот дел од денот – од 10 до 16 часот, бидејќи тоа најдобро ќе не заштити од топлината и несаканите последици.

Меѓутоа, ако треба да излезете надвор, за да не се срушите, понесете со себе нешто солено, нешто слатко и шише вода.

Облечете лесна гардероба направена од природни материјали, ставете очила за сонце и капа. Дури и толку „вооружени“, изберете сенка или климатизиран превоз.

Не е лесно ниту за оние кои остануваат дома. Треба и оброк да се подготви, а на толку високи температури како да го вклучиме шпоретот.

Можеме да јадеме малку лесни работи како смути, на пример, пијалок направен од банани, ореви и млеко од соја, или може да се почестиме со некои детоксикации, како што е чај од мајчина душица, што е добар антиоксиданс и може да ни помогне во текот на летото.

Кога е жешко, особено треба да се избегнуваат алкохол и газирани пијалоци. Најважно е да вклучиме што повеќе зеленчук во исхраната, да јадеме житарки за појадок и да јадеме овошје што содржи многу вода – јаболка, диња, лубеници – сè што нè лади.

Сладоледот секогаш е поврзан со високи температури, а оние кои се грижат за својата тежина можат да направат поздрави варијанти од парчиња од омиленото овошје.

Топлината предизвикува најмногу проблеми кај бремени жени, стари лица и бебиња

На толку високи температури, бремените жени, старите лица и бебињата имаат најмногу проблеми. Потребно им е посебно внимание, за да можат полесно да ја издржат големата топлина.

За бебиња се препорачува да се извадат рано наутро или доцна попладне.

Бидете внимателни кога влегувате во вода!

Исто така, се препорачува да бидат внимателни оние кои сакаат да ја ублажат градската топлина на реките и базените. Не им се препорачува на загреаните луѓе да скокаат одма во вода затоа што, колку и да е топло, сепак водата е постудена од телото.

За да избегнете несакани ситуации, прво навлажнете ги рацете и нозете и нежно влезете во водата.

Неизвесната ситуација, поради пандемијата, влијаеше да не планираме летни одмори во текот на целата година, но многумина решија да заминат некаде во последен момент.

Кога влегувате во автомобил, важно е возачот да биде одморен и автомобилот да се лади. Еден од триковите што може да ви помогне е да го отворите прозорецот на совозачкото седиште, и да ја отворате и затворате вратата на возачот, ова ќе ја намали температурата во загреаниот автомобил.

Така, со климатизација, патувањето може да биде и безбедно и пријатно, а летните одмори во овој жежок јули се уште попријатни.