Македонија сака, Македонија може и Македонија има музика за тридневен стадионски фестивал! – се вели во најавата за Аларм фест. Настанот е закажан во периодот од 31 јули до 2 август, и тоа на стадионот Билјанини извори во Охрид. Во овој период за прв пат во историјата на независна Македонија големиот национален празник Илинден ќе биде одбележан со настапите на повеќе од 100 македонски артисти.
АЛАРМ фест со цел да ги исполни желбите на сите возрасти и вкусови на едно место ќе ги собере Галоски, ЛД Пистолеро & Гоце Саф feat. Ронин, Donplaya & Bon Praskiza & Prince$$ Donatsu, Пајак, Ареа, Суперхикс, Бени и Нон Стоп, ДНК и Ris Flower, како и легендите Леб и сол, кои всушност и ќе го заокружат целиот настан.
Влезниците ќе бидат пуштени во продажба на 07.07 среда преку продажната мрежа на КУПИ КАРТИ ЗА СЕ, како и онлајн на www.kupikartizase.com
Еднодневна влезница за партерот чини 500 денари, за трибината 800, а во ВИП делот 1000 денари. Тридневна БЛОК влезница, пак, за партерот се продава по цена од 1200 денари, за трибините 2000, а за ВИП делот 2500 денари.
НАВИВАЈ ЗА МАКЕДОНСКА МУЗИКА!, порачуваат организаторите.
