Skip to main content
x

11 Jun 2021 - 12:40
redakcija
Статија

Италијанската финансиска полиција започна истрага за да утврди дали дигиталната платформата за резервирање на хотели и апартмани Booking.com затаила данок, соопштија официјални лица.

Дигитална компанија со седиште во Холандија е осомничена дека избегнала плаќање на повеќе од 150 милиони евра данок на додадена вредност (ДДВ) помеѓу 2013 и 2018 година.

Booking.com потврди дека добиле извештај од финансиската полиција и соопштија дека ќе соработуваат со истражителите.

Полицијата соопшти дека започнале да ги проверуваат резервациите за сместување околу Џенова уште од 2018 година.

Се покажа дека Booking.com издава фактури без ДДВ поради избегнување на даночна обврска, што доведе до тоа тие воопшто да не плаќаат даноци во Италија.