Кипар ја доби првата жена претседател на Собрание

10.06.2021
Vesnik.com
Кипар ја доби првата жена претседател на Собрание

Кипарскиот парламент денеска ја избра првата жена претседател на собранието – 35-годишната Анита Деметриу, член на владејачката конзервативна партија Демократско собрание.

Деметриу ја доби поддршката од Демократскиот фронт на центарот и ЕЛАМ, екстремно десничарската партија која речиси двојно го зголеми бројот на пратеници на парламентарните избори минатиот месец, објави „Ројтерс“.

Деметриу е втора во државната хиерархија по претседателот на Кипар. По професија е политиколог и важи за една од најуспешните политичари во нејзината земја.

makfax.com.mk

© vesnik.com, правата за текстот се на редакцијата

;