Skip to main content
x

10 Jun 2021 - 19:40
redakcija
Статија

Суд во Франција денеска го осуди 28-годишниот Дамиен Тарел, кој во вторникот му удри шлаканица на претседателот Емануел Макрон, на четири месеци затвор, јави телевизијата БФМ.

Тарел претходно призна дека го удрил Макрон, но им рече на истражителите дека не го сторил тоа со умисла.

Обвинителството побара Тарел да биде осуден на 18 месеци, а судиите одлучија да го осудат на четири месеци затвор и 14 месеци условна казна.

За време на посетата на регионот Тан Лермитаж пред два дена, Макрон се приближи до група граѓани за да ги поздрави, а Тарел го фати претседателот за рака и му удри шлаканица, повторувајќи ја фразата „Долу Макронија” и претставувајќи се како анархист, по што интервенираше обезбедувањето на Претседателот.

Полицијата по инцидентот го уапси Тарел, за кого истражувачите велат дека не и бил познат на полицијата пред инцидентот, а приведен е и неговиот пријател, кој го снимил инцидентот.

За напад на јавен службеник во Франција се предвидува максимална затворска казна од три години и парична казна од 45 000 евра.