Skip to main content
x

8 Apr 2021 - 12:20
redakcija
Статија

Во тек е трка помеѓу вакцините против Ковид-19 и мутациите на коронавирусот кои се закануваат да ги загрозат.

Вакцините се помалку ефикасни против некои варијанти, и колку повеќе се шири вирусот, толку почести ќе бидат мутациите, односно вакцините ќе бидат помалку ефикасни. Досега, ефикасноста на вакцините е проучена во мали групи во лабораториски услови, а како што започна масовната вакцинација, ефикасноста на вакцината е проучена во реалниот свет, пишува Глас на Америка

Иако сите истражувања спроведени во САД покажаа дека ефективноста на вакцините против коронавирус е висока и надминува 90 проценти, и покрај тоа што бројот на вакцинирани се зголемува – во исто време расте и бројот на хоспитализирани лица под 50 години.

Четврти бран

Се претпоставува дека заморот од пандемијата, подоброто време и олеснувањето на мерките доведоа до зголемување на бројот на заразени лица.

Некои експерти стравуваат дека ќе започне четврт бран на инфекцијата, што ќе донесе нови, позаразни видови на вирусот. Иако не се предвидува масовна инфекција во САД како досега.

Мутацијата што се појави во Јужноафриканската Република е најзагрижувачка досега, бидејќи дозволува вирусот да го нападне имунитетот дури и посилно од неговата основна верзија.

Вакцините Џонсон и Џонсон се покажаа како ефикасни од 57 проценти во спречување на инфекција со вирусот во Јужна Африка, а 72% во САД, каде што тој вид е помалку распространет.

Вакцината АстраЗенека е ефикасна само 10% во спречување на јужноафриканската варијанта.

Новиот вид регистриран во Бразил исто така се шири побрзо и се покажа дека може да ги зарази оние кои веќе се заразиле со коронавирус.

Видот од Танзанија ги содржи скоро сите познати мутации.

Две нови варијанти се регистрирани во Калифорнија, а две во Њујорк и имаат мутации регистрирани во Јужноафриканската Република и Бразил. И колку повеќе вирусот ќе мутира, толку повеќе се шири.