Skip to main content
x

7 Apr 2021 - 15:00
redakcija
Статија

Манекенки позираа голи на балкон во Дубаи и поради тоа се уапсени. Но како што се наведува нема да завршат зад решетки, како што првично очекуваше јавноста.

Девојките и организаторите се обвинети за јавен разврат и ширење порнографија, а во ОАЕ, каде што правниот закон се заснова на исламски закон, односно шеријатот, странците завршуваат во затвор за помали кривични дела.

По брзата истрага, главниот обвинител на Дубаи, Есам Иса ал Хумаидан, објави дека оние што стојат зад фотосесијата ќе бидат депортирани во нивните матични земји.

Полицијата одби официјално да ги идентификува уапсените.

Групната фотографија наречена „Мало семејство“ го откри и идентитетот на некои од девојките. Има две Украинки, Јана и Дијана, како и уште три украински модели: 19-годишната Дарија Корунженко, Екатерина Кашенко и Софија Ткачук.

Навремената депортација е ретка за правниот систем во Дубаи, бидејќи вакви случаи обично завршуваат на суд или на друг начин се решаваат пред депортацијата.

Скандалот со групната гола фотографија се случи само неколку дена пред Рамазан, светиот месец во муслиманскиот свет, и во моментот кога украинскиот претседател Володимир Зеленски пристигна во официјална посета на блискиот Катар.