Српски државјанин денеска беше уапсен откако измамил 5 компании за да стане милионер. Лицето успеало да лажира податоци за финансиска стабилност да издава празни меници и така да ги оштети компаниите.

Припадници на Министерството за внатрешни работи, Одделението за борба против корупција, во соработка со Вишото јавно обвинителство во Белград, го уапсија А.М. (1976) под сомнение за сторено кривично дело измама при вршење стопански активности, додека кривична пријава ќе биде поднесена против 54-годишно лице за помагање и извршување на истото дело.

Се сомнева дека А.М., како одговорно лице на компанијата „Крепито“, од мај до август 2020 година, со лажно презентирање на финансиска стабилност, оштетил пет компании од кои одзел стока на одложено плаќање.

Осомничениот, со помош на 54-годишен маж, издал празни меници без покритие за наведената стока, кои потоа се продавале за готовина, без да се евидентираат продажбата и плаќањето на пазарот.

На тој начин А.М., како одговорно лице, се стекнал со противправна имотна корист од 2.734.734 динари.